青衣長康邨疑現鎅袋黨 廿歲狂徒專吼長者犯案 街坊人心惶惶爆恐怖經歷

早前（30日）有網民在 Facebook 群組「青衣街坊吹水會」發文，指其家中長者當天約7時許，於青衣長康邨康和樓附近疑遇「鎅袋黨」扒竊：「今日上午老人家在長康邨康和樓，喺大快活士多附近睇緊嘢，一個年輕人試圖扒竊佢；年約廿十多歲，手持鎅刀將刀片推到最出。手袋被鎅開了，幸運嘅係，袋被鎅爛了，人冇受傷，但冇嘢被偷走，有機會係慣犯，專揀老人家落手」。

閱讀更多：元朗馬路驚現電動單車狂飆 3男女無戴頭盔司機仲擔煙 網民怒轟：真係拉得！

從樓主上載的相片可見，老人家隨身的黑色手袋被鎅出長長裂痕，好事主未有受傷兼無財物損失。樓主強烈呼籲區內街坊，必須提醒家中長者提高警覺：「住附近嘅街坊也告知一下屋企嘅長者或者自己，都留意一下」。

帖文曝光後隨即引起街坊熱議，不少網民直斥賊人光天化日持刀犯案「太猖狂」：「嘩，光天化日好猖狂」、「好彩冇𠝹到人」、「請報警！希望警方睇返附近CCTV」、「孭袋最好放喺前面安全啲」。

亦有網民指出事發地點向來治安一般：「不過呢度對出平台真係好多人飲酒，見過唔止一次隨地痾尿，晚晚周地污糟邋遢」、「呢個平台夜晚真係驚，我住附近冇得唔經呢度，每晚返嚟都見班醉酒佬係度，仲嘔到行過樓梯都聞到一浸臭味」、「呢度附近就係麥當勞同七仔，好方便一堆人聚集，試過夜晚返嚟幫七仔便利店個姨姨追住偷嘢嘅賊，佢都話慣犯嚟」、「我試過坐平台升降機，後面站着一位印尼姐姐也探手開我背袋，我覺有野在背袋，立即望到喝止她，她竟用粗囗回我」。