:quality(80)/public/tvbcom/article/images/202605/bf3f8dff-aa66-461e-9852-0f2e99e0627e.jpg)
近日網絡瘋傳一段元朗危駕影片！事發於夜間青山公路元朗段、商場「YOHO MIX元點」對出馬路；可見一輛黑色電動單車竟在快線車道上狂飆，車上「超載」三名毫無頭盔防護的年輕男女，負責帶頭的黑衣男司機嘴裏更叼着煙，雙腳踩在單車下管以「抱膝」姿態駕駛，而身後兩名少女則從後緊緊攬實男司機，險象環生！
片段曝光後隨即引起網民熱議，紛紛留言怒轟上述的危駕行為：「男司機仲要擔住支煙」、「睇落未成年」、「無戴頭盔出馬路，真係拉得」、「唔好連累其他人」、「最驚係害到其他駕駛者」、「睇到都覺牙煙」、「睇見真係好心酸，D人真係無危機意識，好可怕」。
警方過去曾多次強調，電動可移動工具的設計本來就不適合在行人路、單車徑，以至與一般汽車共用路面上行駛；任何人如在香港道路、行人路及單車徑上使用未經登記及領牌的電動可移動工具，即屬違法行為，一經定罪，隨時有可能觸犯香港法例第374章《道路交通條例》及其餘相關法例，大家切勿以身試法！
