青衣茶記推$15叉燒湯河早餐 特價吸客被指惡性競爭 網民兩極：「頂爛市」VS「薄利多銷」

本港飲食業競爭激烈，食肆為求吸客各出奇招！有網民在Facebook群組「香港茶餐廳及美食關注組」發文，樓主發現青衣某茶餐廳於每日早上6時半至11時推出特惠早餐。以樓主早前拍到照片為例（11日），當天款式為叉燒湯河，只需＄15便可成交，配凍或熱飲亦只需另加5元，性價比極高！特惠早餐雖然惠民，但樓主卻持另一番看法：「茶餐廳內捲，15蚊加凍熱飲加五蚊，頂死樓下幾間，我冇得賺你都唔會有客」。

閱讀更多：大埔泰菜外賣疑賣發霉雞翼 食客已食兩隻呻中伏 街坊揭前科：之前有煙頭炒飯！

帖文隨即引起網民熱烈討論，不少人都對這個破底價感到驚訝：「15蚊真心癲」、「15蚊？九十年代呀」、「老細醒目適者生存」、「打仗先至嚟減價！唔通個天都唔鍾意世界和平」；亦有網民反指所謂「特惠價」未必是最划算：「根本就係唔平，我38蚊有兩隻太陽蛋，一大碗沙爹牛肉米粉、牛油餐包、茶走多奶」、「叉燒可以放一舊，河粉可以落一條，最後落湯溝水，多謝盛惠15蚊」。

亦有大批網民力撐老闆懂得薄利多銷：「薄利多銷! 轉枱夠快就有賺」、「5元加5元凍飲都應該有得賺少少嘅」、「$15都有賺啦，叉燒加河粉，計埋成本一碗先5-8蚊，比得依個價一定唔會大碗」、「$15邊駛蝕呀，$5就會蝕，唔係做果行就唔好亂噙啦，除非佢全日都做$15就冇錢賺，單論食材成本點會冇蝕俾你」；有網民直指食物質素才是餐廳生存根本，坦言「鬥平無用，唔好食搵鬼幫襯」、「要睇過賣相先知」、「質素先最重要」。