:quality(80)/public/tvbcom/article/images/202605/c635b156-0388-456c-bbb2-c2c5c64d9a2f.png)
叫外賣隨時遇上食安問題！近日有網民發文大吐苦水，事主指自己透過外賣平台光顧大埔某泰國餐廳，點了兩份晚餐盛惠＄121，竟赫然發現送來的雞翼表面長滿的白色霉菌，事主家人在未有察覺異樣的情況下，不慎將其中兩隻「發霉雞翼」吞下肚：「翼黎到已經發霉，屋企人冇睇食左2隻，望周知」。
閱讀更多：長沙灣食客拒搭枱爆衝突 疑因一舉動惹惡漢爆粗推撞 追到出門口 事主嚇到報警：周圍都有位
帖文惹來街坊洗版回應，不少人留言炮轟「發霉雞翼」賣相恐怖：「點解D色水咁差既」、「好恐怖」、「擺咗幾耐先會發霉」、「有實肉有梅香，好似咸魚咁呀」、「佢D泰式奶茶真係好難飲，試過中過兩次伏」、「之前仲有煙頭炒飯添，比錢我食都要諗下」、「好耐以前我中過兩次招」。
亦有街坊指出涉事雞翼可能並非發霉：「公道說話，唔係發霉，似係雪得太耐」、「賣唔哂，放雪櫃都會。但唔會有事既」、「煮完放左幾耐無加熱先會咁」；事主則回應網民答覆指：「醉雞翼應該唔駛加熱，同埋中間係熟，2款小食包括醉雞翼同醉蝦 外賣送到盒頂有膠膜密封」。
