:quality(80)/public/tvbcom/article/images/202605/72622386-7e97-426e-8e8e-a9951f3c897d.png)
近日有網民呻爆茶餐廳中伏體驗，事主指早前光顧長沙灣某茶餐廳，撞正一名無穿制服的男子「問我幾多位」，事主回答後卻遭男子駁道「好大聲講話嗰度要搭枱」、「佢話唔得叫我坐第二處」；事主則不滿被大聲限制座位：「週圍都有位，冇理由指定個客要坐嗰度」，故決定「去咗第二間食」。豈料半小時後事主折返門外拍攝店面，打算向總公司投訴時，該男子竟衝出街頭狂爆粗口追罵再折返廚房。
事主稱當時「喺門口影完之後冇影過任何人」，之後事主向收銀員查問對方身份，惟對方卻稱「唔識得」；其後該男子更再次步出街外動手推撞事主，嚇得事主立即報警求助。事主亦在帖文中坦言「今時今日香港茶餐廳會有咁嘅恐佈服務」。
帖文惹來網絡迴響，不少人炮轟該男子行為：「以後唔幫襯就係最好懲罰」、「收銀話唔識先搞笑」、「駛唔駛衝出嚟鬧人」；「遲早執」；亦有食客留言指涉事餐廳「食過冇下次」：「下午茶冇人，都要人搭枱已經冇去好幾年」、「食過一次，奶茶食物唔掂。冇再幫襯」、「呢間食物唔得，服務唔得，一次性餐廳」、「依間野不嬲都好串架，服務態度極差」。
