:quality(80)/public/tvbcom/article/images/202605/6a336471-a010-41fb-b61d-8cae8c1ef143.png)
近日社交平台瘋傳影片，可見一名手持鮮花的女子在前往跑馬地電車上，竟強行擠入狹窄的上車閘門通道；惟當電車駛至樂活道站，停定並開啟閘門時，該名女子隨即從狹縫中「攝位」越過閘門成功落車，急步向車頭方向離去，影片至結束都未有交代女子最終有否繳付車資。發文的樓主則寫道：「有錢買花冇錢搭車系列。呢架係丁丁車嚟㗎，（車費）都係3兩蚊啫」。
閱讀更多：港男斥酒樓食蟹藏魔鬼細節 每斤蟹差價$70食客易中伏 網民反撐食店：不嬲都係咁
影片隨即惹來網民兩極熱議，大批網民狠批女子疑似搭「霸王車」的行為：「$3.30都唔俾」、「手上嗰紮花都唔止幾蚊」、「真係肉酸」、「電車既車費已經唔多，嗰三，兩蚊都仲要呃」。
亦有心水清的網民「突破盲點」為女子平反，推測當時車廂內可能人多擠迫，導致她根本無法在車內穿梭，才會出此下策從車尾狹縫下車，再急步衝去車頭補交車資：「會唔會係架車多人得滯，佢跑返去車頭嘟八達通」、「佢會唔會行返前面再畀錢」、「如果有心唔比， 照計應該係鬼鬼鼠鼠向車尾方向跑，唔係大搖大擺咁跑去車頭自投羅網喎，所以我估應該中間太多人塞住，所以連片主自己都要企到最尾尾，佢跑得咁快應該係衝去車頭比返錢，怕部車隨時會開走」。
