港男斥酒樓食蟹藏魔鬼細節 每斤蟹差價$70食客易中伏 網民反撐食店：不嬲都係咁

有港男發文大吐苦水，直指「越來越多酒樓酒家染上一個壞習慣」，常在長腳蟹推廣海報上以極細字體隱藏「魔鬼細節」，又指若食客沒看清楚便「注定要交智商稅」。港男指這些優惠推廣只限「四斤以下」的蟹仔，直言「太細隻又瘦猛猛冇乜肉食」，若食客心儀肉質豐富的大蟹，優惠便會「馬上與你無關」。

閱讀更多：銅鑼灣壽司店刺身驚現生猛活蟲 官方急發聲明致歉：涉事食材全線下架

港男又言食客如欲升級食大蟹，隨時要被多收$70兼收加一服務費。港男指種層層遞進的推銷手法，猶如逼人繳交「富人稅」，更憤而向網民發問：「佢哋咁樣你會唔會幫襯？」

帖文曝光後旋即引起熱議，大部分網民風向卻與港男唱反調：「有乜好鬧，其實寫得好清楚，唔存在你講既問題」、「大部分優惠都係會有條款，正路係要睇，唔明就問」、「佢寫得都清楚..有乜問題」。

港男亦有回應網民留言：「問題在點解想食大隻啲嘅蟹，就冇得享受優惠價計算」、「點解四斤以上（蟹）就要每斤再俾多咁多？」有好心網民留言解答港男疑問：「因為人地大蟹來貨都貴d囉」、「因為大隻來貨價貴，細隻又要搭貨收，酒樓冇得只買大隻，唔要細隻，所以分開賣」、「買活蟹都係咁上下價，依家仲要整埋比你食」。