電車男公然做病毒快測惹公憤 網民擔憂衛生：佢下巴好似有滴鼻涕！

近日網上流傳照片，有市民目擊一名男乘客在行駛中的電車車廂內，公然進行病毒快速抗原測試。相中可見，該名男子安坐於座位上，雙手正拿著檢測棒與包裝盒，毫不避諱地處理個人健康檢測。目擊者發文指：「真係唔明，點解呢啲人咁無公德，檢查可以搵個私人地方做，係都要咁開放係電車做。又唔戴口罩，如果有病咪傳晒比人」。

閱讀更多：港女搭西貢小巴遇鹹豬手 喝止不果遭連環摸腰臀 事主怒影阿伯：當晚已報警！

事件隨即引發網絡關注，不少網民留言怒轟男乘客欠缺衛生意識：「真係有病啲細菌就會散開去，其實都唔爭在嗰10幾分鐘返屋企做測試，都唔係好耐啫，正一自私精」、「佢下巴好似有滴口水定鼻涕」、「好恐怖」、「開埋佢樣啊，等街坊都小心啲佢」、「呢啲人播毒」、「唔係呀話？咩人嚟㗎」。