港女搭西貢小巴遇鹹豬手 喝止不果遭連環摸腰臀 事主怒影阿伯：當晚已報警！

乘搭公共交通工具需保持警惕！日前有港女發文控訴，指早上乘搭西貢1A專線小巴時，疑遭車上一名年長男乘客兩度非禮。事主憶述當時情況：「上車時最後一個位係高一級果行既窗口位，我要行入去坐，佢隻手竟然可以掃到我hips位（臀部），隻手唔專登擺高、呢度正正常常讓開根本唔會掂到人」。

閱讀更多：九巴大叔疑向女學生施鹹豬手 網民勢要緝兇：齊晒時間車牌實捉到

事主當場嚴正喝止，惟對方未有收斂，其後再涉嫌作出非禮行為：「我己經立即話你掂到我！鬧完一次，仲夠膽有第二次專登用手踭掂過黎條腰」。事主趁涉事男子於彩虹下車時，拍下其容貌並上載至網絡，事主交代已於事發當晚正式報警處理：「老唔係大哂！」、「當日晚上已報警」。

不少網民對事主遭遇甚為同情，並揚言不能姑息非禮行為：「對付呢啲人要即時報警」、「恃老賣老博人唔會出聲鬧」、「你應該大聲講你非禮我呀」、「點解唔司機講聲即時報警呢？點解要放過佢呢要俾個教訓佢，老唔係大哂嘅」、「一定要出聲鬧爆佢，報警」、「下次如果有這樣的情況。馬上叫司機停車，鎖門。然後報警，唔好俾條老野走」。