長洲街坊驚遇街頭勒索 3男截停單車逼掃付款碼 事主靠一招保平安

近日有長洲街坊疑遇街頭勒索案，提醒島上居民出入提高警覺！事發於6月19日晚上約10時許，事主踩單車途經長洲紅燈橋對開時，突然遭3名男子包圍截停，對方不僅惡意阻擋單車去路，更試圖向事主進行勒索：「比呢三個男人圍住唔比走，勒索頂住架單車唔比走，SHOW個微信付款碼（WeChat Pay）出黎要街坊合作下掃咗佢」。

閱讀更多：灣仔租客拖租一年至病逝 業主收樓驚見曱甴垃圾屋 事主損失約35萬：跌律師費再比錢裝修

事主當機立斷堅拒說「NO」，並隨即打電話求助。其中身穿黑衣及紅衣的男子見狀立刻被嚇退，惟另一名白衣男仍死纏不休，直至事主等待的友人趕抵現場才肯離開：「佢哋keep住唔畀我行開，於是我開始打電話搵人，一見到我打電話黑色衫同紅色衫就嚇走咗，但白色衫都係唔肯離開，一路到我等緊嘅人到咗佢先行開」。惟當時事主受驚過度未有即時報警，故決定公開這段經歷，呼籲長洲街坊小心提防！

帖文隨即惹來網絡迴響，怒斥上述勒索行為無法無天：「以前就行騙，現在就明搶」、「報警啦，唔好放過呢啲人」、「有無搞錯呀！長洲都咁搞法」、「現代版張保仔」、「佢地真係無法無天」；亦有街坊呼籲要團結防範罪案：「自己地方洗驚佢地」、「長洲街坊要團結啲」、「長洲市民要合作上來」。