:quality(80)/public/tvbcom/article/images/202606/03ce97a2-ec23-481c-bb1f-330a820b4e65.png)
近日有業主發文大吐苦水，指遇到一名長期拖欠租金的租客，原打算透過民事訴訟聘請執達吏上門收樓，惟行動前租客於醫院病逝。由於屋內雜物全數變成「遺產」，而前租客兒子的態度亦極不合作，逼使業主出招才收回灣仔單位鎖匙：「成屋裡面嘅嘢都喺遺產，前租戶個仔又喺一擔擔，匙又唔交，屋又未清，錢又未找，最後衝上去佢公司先收得翻匙」。
閱讀更多：將軍澳黑裙女港鐵搬巨型床褥 網民質疑點入閘：誇到似AI！
業主事後發現單位已淪為佈滿垃圾與曱甴的「垃圾屋」，事主坦言：「錢預左收唔齊 ，跌埋律師費，仲要再比錢裝修買傢俬，依家成屋都係垃圾同曱甴」。從事主釋出相片可見，單位雜物堆積至天花板，走廊、梳化及茶几被紙箱、膠袋和舊衣完全淹沒，寸步難行，環境衛生非常惡劣！
+1
帖文隨即惹來網絡迴響，不少人留言同情業主遭遇：「好多年紀大左或者長期病冇能力執屋，始終要體力，不過業主收唔到錢都慘嘅」、「嚴重囤物症，多數呢類人唔覺有問題」、「嘩，災難片咁」、「間屋真係好多唔等駛野，究竟呢類人平時係點生活」、「睇嚟你之後唔再租層樓畀人哋住，或許賣鬼咗佢啦」、「租屋可以住到咁，都算係神人」、「呢啲人點解可以一直住係垃圾屋」。
