西貢麥理浩徑行山客攜疑似仿製路牌打卡 惹拆真路牌誤會 網民好奇：咩玩法？

有網民釋出短片，攝於西貢麥理浩徑一帶；畫面可見，兩名男遊客自攜仿製路牌，上面印有「麥理浩徑MacLehose Trail」字眼；片中男遊客嘗試把路牌拼接起來，欲將路牌豎立在上述地點，幾何亂真；樓主亦在帖文寫道：「係咩玩法？」

閱讀更多：舊公屋更好住？元朗40年屋邨贏到開巷 網民盤點4大優點 ：面積大＋交通好

不少網民亦看錯重點，誤會男遊客拆下路牌：「破壞公物同盜竊」、「應該報警」、「見到有人犯法報警啦⋯⋯刑事毁壞呀」、「想問吓你有冇報1823」；亦有心水清的網民突破盲腸：「帶成碌鐵上山，就係為咗打卡都幾有毅力」、「咁多人唔睇post，人地自己攞個打卡路牌去麥理浩經到打卡」、「打卡打上腦」、「麥理浩徑有藍色牌咩？」