:quality(80)/public/tvbcom/article/images/202603/39b71641-f44a-47bf-b443-afb09bdfd05b.jpg)
舊式公屋可能亦好住！最近有港人發帖分享，指舊邨未必一定差，並以其位於元朗朗屏邨的「娘家」作例，指該邨樓齡接近 40 年，但公共地方仍然保養得宜，電梯大堂及走廊空間寬敞，雖然磚牆及電梯外觀略見歲月痕跡，整體依然企理整潔，完全不覺殘舊，樓主言道「好似(娘家)朗屏邨差不多40年樓齡，公共地方仲keep到幾靚仔」！
+1
樓主表示，不少人對舊式屋邨存有偏見，一聽到樓齡高就立刻拒絕，建議其實可以先到現場實地視察，再決定去留亦不遲：「其實派到舊邨最好親身去睇下，唔好咁抗拒舊邨…馬上拒絕，可以親身睇完各方面，再決定也未遲」。資料顯示，朗屏邨位處元朗區，於 1986 至 1989 年期間入伙，共有 15 座大廈，提供 8,491 個單位，並屬於房屋署「租者置其屋計劃」其中一個可出售的公屋屋邨。
帖文隨即掀起熱烈討論，不少網民表示舊式屋邨其實更宜居，更有人力讚朗屏邨4大優點，直言：「要好好珍惜舊邨獨特魅力」：
優點一，網民指朗屏邨交通方便，直言「朗屏近西鐵站，出市中心又唔遠」、「幾步路就有地鐵搭」；優點二，朗屏邨附近社區配套成熟：「呢啲邨樓下有舖頭好方便」、「舊邨現套成熟」；優點三，朗屏邨單位面積亦相對較大：「夠大好用，裝修好，外邊點舊話之佢」、「舊啲反而大間又好用」、「間隔四正實用」；優點四，舊式公屋鄰里人情味較重：「舊邨有人情味多啲，鄰居都好緊要」、「我都中意佳舊屋邨，大家街坊好好」！
