葵涌茶記$59油雞髀飯惹議 疑扣起雞髀肉得4件 網民列2宗罪鬧爆唔抵食

近日有網民發文分享，指其早前光顧葵涌某茶餐廳，點了一客「油雞髀飯」，連同熱飲盛惠$59；惟圖片所示，該份油雞髀飯份量非常凋零，只有4件油雞肉及少量伴碟青菜，令樓主不禁發文詢問「油雞髀飯(4嚿)配熱飲 $59，你哋覺得抵唔抵食」。

閱讀更多：荃灣菜檔疑賣爛菜惹議 用呢招渾水摸魚引客上釣 街坊揭內情：起碼見過幾十次！

帖文隨即引起熱議，不少網民對於$59的價錢，卻換來如此份量感到驚訝：「抵到爛.....賣比你果個」、「斬料師傅偷咗幾件」、「唔係原隻呀，又大又細砌出嚟」、「真係過份，一隻脾十幾廿蚊，加個飯變59」、「睇落比人偷左兩舊」。

除了份量凋零，網民還列出兩宗罪力證「唔抵食」：「好心比多小小。條菜想點呀」、「真喺得一條菜，有冇搞錯」；此外，油雞髀飯賣相亦被炮轟：「賣相好肉酸，見到都唔想食，仲咁貴」、「咁樣上碟，賣相都唔得啦」。