荃灣菜檔疑賣爛菜惹議 用呢招渾水摸魚引客上釣 街坊揭內情：起碼見過幾十次！

有荃灣街坊發文大呻買餸中伏體驗，事主指早前曾光顧楊屋道某菜檔購菜芯，當時檔主「將啲靚嘅菜堆到勁高」，事主未為意便照買，料知回家發現整袋蔬菜，只有最表面屬於「靚菜」，下面全是「爛菜」，氣得事主直言「永不幫襯」！從上載相片可見，膠袋內塞滿了已經發黃、像是菜頭菜尾的殘餘部分，品質極不新鮮。事主亦強調：「即日影菜，今日先行過去間舖，然後出post」。

閱讀更多：華富邨「神像山」遭清場 八千神像奇景消失惹惋惜 守護者講述歷史緣由

帖文引起大批網民留言鬧爆：「我都試過，全部爛臭，仲有曱甴」、「呢間成日都咁，幾年起碼見過幾十次」、「做生意咁唔老實，一定等執」、「黑名單啦」；亦有街呼籲事主光顧信譽較好的菜檔：「寧願行多兩步入街市上面買，真係好食同新鮮好多」。