荃灣蛋治早餐驚見黑色異物 港女狂嘔call白車 怒批餐廳態度冷漠 網民：要報食環！

有食客發文大控訴，指早前於荃灣某餐廳吃早餐時，竟在芝士雞蛋三文治中驚見黑色異物，嚇得她當場狂嘔不止：「我一路嘔，一路冇人理會，冇人取垃圾桶或垃圾袋，好彩老公幫手，嘔到飛起，要自行打救護車」。事主怒轟涉事餐廳的廚房環境惡劣，職員的危機處理態度極度冷漠：「餐廳職員當無事發生」、「食物出問題，可以當冇事」、「廚房環境差，危機處理有問題」。

閱讀更多：港男外賣Double雙層芝士孖堡 2份打開驚見「3層＋5層」 網民神回：嫌4字唔老利？

據事主釋出圖片可見，已被咬開的三文治雞蛋夾心正中央，赫然嵌有一粒黑色、呈橢圓長條狀的異物；而有關的「芝士雞蛋三文治」則索價＄31。

事主事後已即時致電1823投訴及聯絡餐廳，惟餐廳在事主等待6小時後才致電回覆並僅以一句「唔好意思」作結。事主亦留言補充今次事件令她「整天都冇胃口，想嘔」，更坦言對涉事餐廳非常失望：「呢句說話等6小時，真的太有效率，呢間餐廳太高級，不會再去。職員態度5星級，高攀不起」。

不少網民亦留言同情事主遭遇：「唔舒服要睇醫生，保留單據及追究權利」、「]一定要call食環」、「一句唔好意思就無喇？起碼比返醫療費用」、「食完佢D野出事仲要自己比錢睇醫生」、「呢間開業無耐咋喎，咁快咁污糟」、「味道普通都無問題，衛生唔可以馬虎」、「直接報食環，一定幫到你」。

對於事主直指三文治中的黑色異物為「老鼠屎」，則有網民提出了質疑：「似係鑊燶咗既野痴左係件蛋到」、「見到而嘔而唔係食到而嘔？」、「咁樣睇唔似老鼠屎，似鑊屎多啲喎」、「點解老鼠屎無被雞蛋包圍？有d奇怪」、「老實講，呢粒唔似老鼠屎」、「啱啱先開張應該冇咁快有老鼠吧，早幾日先食過嚟啲嘢都唔錯」。