港男外賣Double雙層芝士孖堡 2份打開驚見「3層＋5層」 網民神回：嫌4字唔老利？

有連鎖快餐店推出「Double雙層芝士孖堡」，主打麵包夾著四層牛肉和兩層芝士，惟近日有食客在社交平台大呻實物貨不對辦。據樓主上載圖片所示，他購入上述漢堡外賣，打開後赫然發現其中一份「縮水」只有三層牛肉，而另一份漢堡竟被加碼至五層牛肉。樓主在貼文言道：「見到一份得三層，以為比少，點知另外份有五層。執包條友係咪發緊夢」。

閱讀更多：將軍澳火鍋放題一家四口大嘥鬼 喪嗌24個布甸＋食剩2大碟肥牛 鬼祟閃人惹公憤！

貼文隨即惹來網絡迴響，有人指兩個漢堡的牛肉數量加起來有八塊，剛好「數埋一齊就夠數」：「5+3=8塊，啱數就ok喇」、「咁起碼冇蝕底先」、「嫌4字唔老利」。樓主則回答：「如果自己食就ok，同朋友買就慘，點都唔啱數」。

亦有網民分享其他「中伏」例子：「佢第一代出四層，我同經理講，你畀錯我得兩片。佢係唔信打開個包，跟住攞嗰個畀我」、「我仲以為係個別個案，原來唔少人都被呃咗一塊牛肉」、「我試過買磨菇安格斯。有問題揾經理，我一句都未講佢就好詳細敢講解我個包d芝士係係度既，融左咁解姐。經一輪聆聽後我問佢你講完未，對方回應佢講完。終於到我講個包冇磨菇囉」、「我都試過新產品『生菜包』」、「我試過叫凍檸茶，佢俾咗杯凍奶茶+3片檸檬俾我」、「我試過一次買18件麥樂雞，佢執多左一盒比我」。