將軍澳火鍋放題一家四口大嘥鬼 喪嗌24個布甸＋食剩2大碟肥牛 鬼祟閃人惹公憤！

日前有網民發文公審，指早前在將軍澳某酒家光顧宵夜火鍋時，目擊一家四口於進店起便對店員態度惡劣。據悉該食客一家雖在宵夜時段前獲准提早入座，但已對店員連番不滿「一入到去呢家人已經不停喺度投訴，又話未開code又話冇熱水，對啲店員個態度已經勁差」，樓主則指「早啲放你入去係等你哋唔使企喺度等，唔等於可以開始俾你食」。

閱讀更多：將軍澳網購爛紙箱跌出生番薯 網民憂食安危機：運到嚟會唔會變壞？

其後，他們強行要求店員下單24個芒果布甸，樓主形容情況「佢哋叫完啲海鮮之後係咁問個店員喺邊度嗌甜品，之後鬧到個店員要人手幫佢落24個芒果布甸」。店員則表示「可以分開落，食完先再俾你」，惟一名男食客則發難強調「我哋一定食得晒」。他們隨後更瘋狂加點24碟蜆、大量肉類及大批點心包點，樓主看不過眼出言提醒「食得晒先好嗌」，亦遭對方的母親反駁「我哋一定食得哂」。樓主留言補充：「布甸同埋海鮮，佢哋係好似有食晒」。

直至晚上10時半接近尾聲，該桌仍剩餘兩大盤完好無缺的肉類。樓主當時疑惑「仲諗緊（一家人）會唔會黎個絕地反擊，最後15分鐘食晒」，料知四人將剩餘食材一次過倒進火鍋湯底中，隨即一同迅速起身離開：「dum哂落個煲到就算，仲淨返咁多，一啲衣食都無」、「最後仲要知道身有屎咁，4個突然一齊起身勁快走左去，酒樓啲姐姐都追唔切」。樓主形容涉事家人「又要惡又要食唔哂，仲要走得咁鬼鼠」。

事件在網絡惹來極大迴響，不少網民留言怒斥涉事家人「無衣食」：「啲人真係好無品」、「建議任食餐廳全部食唔晒逐gram收錢」、「呢一家四口好恐怖，一餐飯睇唒佢哋嘅無品，無教養，無禮貌，無公德心，自私自利」、「真係要睇返cctv！blacklist晒呢幾個人」、「浪費食物…..食唔晒真係唔應該叫咁多」、「好玩野，24個布甸24碟蜆，仲要成枱野食唔哂」。