苦等8年三派舊屋邨 網民封「公屋筍盤」勁葡萄 2大無敵優勢：落樓就到港鐵

輪候公屋多年終有好消息！近日有網民發文，分享苦等8年公屋終迎來心儀「三派」，樓主透露早前曾獲派樂華南邨，惟經房署主任善意提醒該處樓齡較高及有漏水風險，故選擇放棄，其後亦拒絕了順天邨的低層單位，最終成功獲派位於深水埗石硤尾白田邨一個樓齡約40年、室內面積約226呎的高層單位。網民直指獲派白田邨簡直「好過中2億」，更點出該屋邨具備2大優勢！

閱讀更多：港人首派粉嶺公屋界「筍盤」 擁高層開揚靚景＋5分鐘到港鐵站 網民列3大優勢：配套贏晒

當中被網民大讚的首個優勢，就是白田邨「無得頂」的完善配套！不少街坊留言指出白田邨周邊的生活設施相當齊全，附近不僅有齊各類平民食肆、傳統街市以及生活超市，而且貨品種類繁多、價錢親民實惠：「白田商場開左個街市，附近大把餐廳、超市」、「正周圍配套設施完善」、「出門滿足所需，大把平民餐廳唔怕餓死」、「購物仲可以享受到深水埗買餸平嘅優勢」。

至於白田邨另一優勢則是四通八達的交通網絡！網民指白田邨地理位置優越，從屋邨步行前往石硤尾港鐵站只需短短 8 至 10 分鐘；加上邨內設有「白田（白雲街）公共運輸交匯處」，匯集了多條九巴、城巴及專線小巴路線，讓街坊無論是上班還是外出，都能輕鬆又快速地接駁至港九新界各區：「白田好地方，出深水埗，旺角都好近」、「8分鐘即到港鐵」、「白田7/8期係新商場，仲有巴士總站，超方便」、「落樓就到港鐵」。