港人首派粉嶺公屋界「筍盤」 擁高層開揚靚景＋5分鐘到港鐵站 網民列3大優勢：配套贏晒

等候公屋逾6年終於迎來佳音！近日有港人發文，指自己「首派粉嶺祥華邨祥禮樓」，屬於高層2至3人單位（約277呎），雖然屬長方形開則的舊樓，廁所偏細，但勝在廚房闊落，每月租金只需約$1,300，樓主直言「去睇過環境，除了舊一點，其他都好好」、「廚房大，但廁所細，千三蚊租真係沒得輸，所以決定要了」。樓主更指單位景觀完全無遮擋，甚至可遠望深圳樓景，目前正等待單位完成維修便正式簽約。

閱讀更多：觀塘繞道私家車「舞龍」自炒 多次撞石壆凌空障彈起 前車被撞打白鴿轉

不少網民留言祝賀樓主：「真係無得輸」、「執到啦」、「恭喜你啦，之後無憂啦」；網民皆指粉嶺祥華邨屬於公屋界的「筍盤」，原因有三：

配套具優勢：「樓下有街市有食肆，附近有2個商場」、「位置贏晒，大把商場」、「附近兩個商場多野食，咩都唔缺」、「天橋連接商場，落雨唔驚」。

交通方便：「行得快幾分鐘到地鐵站，又多巴士」、「交通方便，對面就是粉嶺火車站」、「地點位於粉嶺近火車站、交通十分之方便」、「北上好方便喎，好正」、「地點好，去金鐘一程車，北上又方便」。

間隔實用：「舊公屋，間隔算四正」、「最少也有277尺，不用怕太細」、「舊單位尺數較大，租金又平」。