網民二派呢條邨被喻「孤島級屋邨」 街坊列4大缺點勸「搏三派」 商場十室九空交通超唔方便？

最近有網民報喜，指自己公屋「二派」獲派深水埗澤安邨1-2人單位，面積約230呎左右，惟事主卻陷入選擇困難，直言「呢次係二派，唔知要得過唔」、「因為講緊呢條邨，係深水埗區四大難頂屋邨之一」，故發文召喚居住澤安邨街坊，希望得到大家寶貴的意見；結果街坊幾乎一面倒認為事主應該放棄，勸道「搏多次算啦」。

閱讀更多：大埔大元邨驚現「幻彩詠香江」？單位對窗外狂射七彩強光 街坊屋內中招：照到隻眼

街坊共列出深水埗澤安邨四大詬病，分別是屋邨殘舊、屋宇升降機沒法通往各層、交通不周、屋邨配套不佳：「舊、殘、搭𨋢好驚怕有事」、「偏僻同好舊」、「上次派到13樓是無電梯的」、「唔係層層有升降機喎」、「僻靜荒山野嶺」、「隔涉咗小小，如果返荃灣，屯門，元朗天水圍，就交通方便」、「孤島級邨，附近好荒蕪」、「便利店早收、難有舖賣生活所需」、「十室九空的商場同街市」。

翻查資料，澤安邨隱身於石硤尾北面大窩坪、1983年入伙，是整個深水埗區地勢最高的公共屋邨；屋邨位置較隔涉，但部分樓宇能飽覽維港景致！邨內設有街市與商場，亦因商戶陸續離場而導致使用率大跌，現時商場的空置率高企。