大埔大元邨驚現「幻彩詠香江」？單位對窗外狂射七彩強光 街坊屋內中招：照到隻眼

大埔大元邨深夜驚現「幻彩詠香江」？日前（31日）有網民上載影片，驚見大元邨泰欣樓一個單位不停射出強光；影片可見，該單位射出極為刺眼的藍色及紫色強光，光柱甚至穿透夜空，投射到周邊大廈，猶如在舉行大型雷射燈光匯演，連樓主都問道「泰欣樓玩咩呢？坐係梳化突然照到隻眼，幻彩詠香江」。

閱讀更多：獅子淋雨現憂鬱慘樣 惹網民心痛：失戀了嗎？

帖文惹來甚大網絡迴響：「攞塊鏡反番過去囉」、「報警啦」、「佢在激光中穿梭，將你來鎖」、「報警，真係好過分」、「玩唔緊要但冇影響人呀嘛！你有曬證據啦可以報警啦」、「全民disco」、「可能聽緊羅文激光中」、「新款聲控燈，晚晚夜繽紛」、「光加熱就等於火都黎」、「哩支好明顯係雷射大炮」、「應該係喺屋企破地獄」。