空中奇遇記！港人搭飛機機艙驚見烏龜 網民好奇：點樣過到安檢？

一山還有一山高，有網民驚爆在機艙中驚見烏龜，更影片分享，留言：「話說有次半夜飛去峇里島上空嘅時候，我同女朋友都瞓覺休息緊，女朋友瞓瞓吓朦朦朧朧發現係前座跌咗隻滑鼠過嚟腳邊，自然反應就攞隻腳輕輕掃返去前面，點知隔咗一陣，隻滑鼠又碌返返嚟，諗住今次執起佢俾返前面，點知發現...X你個X，龜嚟嘅，即刻叫空姐過嚟處理，但係空姐第一句竟然係問，係咪我哋帶上嚟嫁，我哋？？？？」

該網民再揭後續情況，「我哋起身行咗出嚟，啲空姐邊執邊喺度V嘩鬼叫，空少又唔嚟幫手，我就喺椅背攞咗個嘔吐袋，一X執起龜龜袋咗落去俾空姐處理中，最後見到空少攞個透明膠盤，裝咗啲水養住龜龜，拎咗去機頭就沒有然後，講真如果唔係唔知點樣出入境，會想養佢。」

事件令網民嘖嘖稱奇，表示「隻龜成世仔都無諗過會搭飛機，以前d人話移民袋埋隻龜仔坐飛機以為假既，點知今日有片睇」、「過到安檢都癲」、「好慘。唔知最後隻龜點」、「冇諗過喺天空都會遇到龜龜」、「點樣過到安檢的？」