:quality(80)/public/tvbcom/article/images/202511/e592294d-8cc5-4a9f-930b-c08dbc162e33.png)
網上流傳一則貼文，有一港人搭飛機遇到Delay事件，其在社交網發文分享：「CX750 delay，因為個客個手提電話跌咗落Cargo Hold，原來Mission Impossible喺客艙跌落去樓下係可能發生嘅嘢。」樓主續指，「本來佢哋話返到香港先執嘅，跟住就話因為電話有鋰電池，所以要即刻清咗佢先至可以飛。」又大讚航空公司處理得當。
延伸閱讀：工人姐姐搭小巴嗌「轉彎Station」 司機大哥聽唔明雞同鴨講勁爆笑 網民大讚司機處理手法：好有愛！
貼文引起熱議，有網民遇過同類事件，「曾經遇過兩次，攞返部電話出嚟都幾麻煩」，又附上相關圖片，亦有人解釋，「有個咁嘅窿存在，原因係安全問題，以前上下層係封死哂冇透氣，然後試過有單空難，cargo hold explosive decompression，架飛機本來仲飛到，但係上下層氣壓差令到cabin地板下陷，壓住控制尾翼嘅威也kick實咗，架機飛到都變飛唔到 自此飛機都會整咁嘅窿，確保上下層氣壓相同 。」
