:quality(80)/public/tvbcom/article/images/202507/989e99d4-1335-4306-ba1c-b3408bb7f4c4.png)
「你有壓力，我都有壓力！」近日再有市民在港鐵上爆罵戰。有網友在社交網上載影片，留言「天氣太熱兩位應該飲杯24味」。
片中見一男一女爆發罵戰，穿間條裙的女子與雙腿放着大背包的男子相鄰而坐，女子對男子責罵說：「嘩，你差啲揈落嚟呀！」男子反擊：「我冇掂到你呀！」女子即接着說：「你冇掂過我，我話你個背囊揈到我個電話，你係咪唔識講廣東話，白癡！」大感不滿的男子同樣回敬她一句「你差唔多，你都係」，再加一句「收聲啦白癡」回敬對方。
緊接下一條片段，女子站起來與坐着的男子舉機互拍，女子繼續喋喋不休：「睇得到，睇得她清楚」。其後第三段片，女子隔着緊急通話器與車長對話：「我報咗警㗎喇，麻煩你停車，叫嗰位乘客落車，佢撞到我呀。」之後女子繼續重複「佢撞到我，佢入車嘅時候撞到我」，男子則回應：「大家都唔同一個門口，點樣撞到你？」車長指到下站會派職員協助。
影片曝光後，有網友認為女子小事化大，更指她說話吵耳，「我覺得娶呢條『高質』女嘅男人真系勝過做七級浮屠， 菩薩心腸， 善哉善哉」、「都幾乞人憎」、「女人把聲煩到呢」、「呢個真係世紀大八婆」。但亦有網友認為男子同樣有錯：「其實個男人個腰包都頂住咗好多位啦，最憎呢啲背囊X」、「見到阿叔個腰包就知佢冇空間感」。
港鐵對事件作出回覆，指住6月19日有1位女乘客在屯馬綫列車上按動緊急通話器求助，女乘客自行報警，其後她與另一位男乘客於錦上路站下車，車站職員提供協助，事件已交由警方處理。港鐵呼籲乘客互相禮讓，共同營造舒適的乘車環境。
