:quality(80)/public/tvbcom/article/images/202507/14b18aae-571f-4d33-a4fa-1ac626f44dd4.png)
內地網購平台強勢襲港，港人蜂擁在網上購物，令到多區自提點逼爆！在自提點工作忙到冇停手，不少人好奇自提點職員薪酬到底有多少，而早前網傳沙田水泉澳有自提點以3.8萬高薪請人，但查證後只屬流料一則！近日勞工處有招聘自提點職員的廣告刊登，職責列明是「一般集運自提點工作」，時薪則是每小時55元至60元，每日工作9小時，早上11時至晚上8時，每周工作6日，輪休。資歷要求應徵者須有專上教育程度，一年工作經驗，懂一般粵語、普通話及英語。有網友驚訝出手太低，只比本港最低工資每小時42.1元略高，大嘆：「每個月都係萬四左右。」又謂「做保安人工仲高」。
早前有做過自提點職員的網友發放大吐苦水，該網友只有22歲，他大嘆幾乎日日要OT，「其實講真有邊個唔想準時收工？？？ 我間舖今日收1900，我已經執舖執到1910先開始埋數，我已經連燈都閂埋 我要摸黑埋數。」惟他指仍有不少客要求取貨，不滿客人太自私，「我幾乎返7日有6日都OT，平日一至六開10:00-2100，我有時甚至要0700-2400，星期日開10:00-1900，難得有日可以畀我準時收到工 點解你哋要咁自私唔畀我走，我想休息下。」網友又謂試過做到連手都抬不起：「我真係第一次做到我冇晒心機，做到我隻手舉唔高，我隻腳又痛。」最後他指已經辭了職，並呼籲大家「將心比己」。
另一位做過自提點職員的網友則說：「啲客都可以無禮貌同XX到極點，多人要排隊可以鬧一餐，自己無留意件貨過晒期又鬧一餐，甚至教啲阿嬋點㩒開條msg，佢一嘢打開我隻手。」
對於自提點職員工仍的辛酸，網友紛紛留言打氣：「無言感激」、「辛苦晒」、「勞苦功高，感謝你們。」
