:quality(80)/public/tvbcom/article/images/202509/74f84e21-d89a-436e-800c-764961762b96.png)
相信大家搭港鐵總會遇到有人睇片時開到大大聲，相當擾人，有位叔叔以奇招KO！有網友在社交網分享趣聞，留言：「隔離個嬸嬸睇片勁嘈，仲要開到最大聲，我叫極佢細聲少少都聽唔到，坐佢隔離既叔叔終於都忍唔住 !」
樓主附上兩張照片，見叔叔以手機寫上「美女！音量小一點就好了！」 霸氣得來又不失禮貌，認真高招，網友好奇嬸嬸有沒有調小音量，樓主笑言：「有，嬸嬸好認真指住啲字用普通話讀出嚟，然後有細聲咗，但可能發現聽得唔爽，又睇唔到啲字 ，直接熄埋機。」網友搞笑留言：「叔叔高招，嬸嬸識字。」、「我覺得佢個精粹係兩個感嘆號！有聲嘅。」、「叔叔好識做人！用美女做稱呼」。
