港鐵阿婆疑揮動拐杖＋批踭逼讓座 少女驚到全身震晒：唔知佢會唔會打我 網友認出有前科！

事主原本想着忍讓老人家，惟最後忍不開聲兼拍片：「佢仲要郁手郁腳咁篤到我塊面，嗰陣其實我都好驚，我成個人震晒，因為我唔知佢會唔會郁手打我，好在有在場人士一早已經睇到呢個婆婆對人嘅唔禮貌行為，肯幫我發聲，好感激遇到正義嘅你哋。」事主大嘆：「其實讓座係可以，但唔係必然，『攰』係冇分年齡層，唔好攞你老人家身份嚟橫蠻無理，咁大個人連基本禮貌都唔識，仲要郁手郁腳，仲好意思要人讓多個位比你，你要霸幾多個位先夠？」

片中所見，事主向婆婆說：「係咪老人家就要咁樣讓！」婆婆即手指指說：「我開車唔企得呀！我叫你讓個位畀我坐呀！」事主聞言說：「咁你大晒呀？」婆婆則指：「唔係大晒，我企唔穩呀！」事主續指：「咁樣用枝拐杖整我嘅？」婆婆否認有碰她：「我冇整到你呀，我叫你讓畀我坐呀！」

有網友認出婆婆有前科，指婆婆住在一個葵盛屋苑，「每日都會拖住佢架手推車喺葵芳或者深水埗嘅地鐵站出口行乞。」、「但當你同佢眼神交流但又唔比錢佢，佢就會當眾罵你『後生仔無愛心』之類。」有後生仔幫她搬手推車上小巴，惟「永遠都係唔會有一句所謂嘅『唔該』，每次都老馮咁。」更直言該阿婆是「極品」。