港男獲配安泰邨高層單位 揭一大隱憂欲拒搏「四派」 網民：咁做唔扣次數！

公屋輪候之路漫長，能夠獲派心水單位猶如「中大獎」！近日有港男分享公屋派房經歷，指自己在5月初拒絕公屋「二派」後，幸運地在6月24日迎來「三派」，更獲分配至觀塘區安泰邨的高層4-5人單位，每月租金為＄3878：「6月24日三派已到，派到安泰邨高層，太好了」。事主本以為可以安居樂業、宣告成功「畢業」，沒想到這份喜悅卻暗藏隱憂。

閱讀更多：七旬夫婦臨老離婚 非公屋戶主身份恐被趕走？附房署資料拆解迷思

事主經過了解後，赫然發現該單位5年前曾發生過自殺或意外事件：「可惜這單位（2021）5年前曾經發生自殺 /意外事件，覺得風水不好。無奈只能等四派了」。事主最終忍痛放棄「三派」機會，只能繼續苦候「四派」。

事件亦引發熱議，有網民指出若派中事故單位，只需拒絕信中列明理由即可：「如果係嗰啲單位。應該可以唔計一次。但係拒絕信到要寫明原因」、「如果單位有問題了，可以不要，這次不計，等四派」、「問吓主任，今次算唔算，如果唔計係第三次，唔要啦， 無謂擔心咁多」、「最緊要自己住得安心和舒服，如果入住後，心理成日不安，咁就唔好了，始終都係自己住既地方，甚至可能會住一世的地方」。

亦有網民認為只要心安理得，入住事故單位亦沒問題：「最緊要自己住得安樂，唔好受其他人影響」、「你無做衰野驚咩」、「如果唔怕嘅都可以要，不過要搵師傅做下法事」、「如果是跳的冇係屋內唔驚啦，而且是5年前應該已經派過出去，有人入住過」、「死過人、入去冇打過齋冇拜過神、冇拜四角，一樣住到晚晚瞓到流口水，一啲事都冇，仲贏咗幾場幾皮嘢嘅馬仔，都唔明你哋有乜好驚」。

翻查房屋署的公屋編配守則，一般公屋申請者最多享有三次配屋機會。不過，若申請者在常規的配屋程序中，獲派曾發生自殺或意外等非自然死亡事件的「事故單位」，而申請人本身並非透過「特快公屋編配計劃」主動揀選該單位，他們有權基於心理因素作出拒絕。只要事主在拒絕信中清楚列明原因，並交由所屬的房屋署主任審批，這類具備合理理由的個案一旦獲房署接納，是次派房將不會計入三次有效配屋機會之內，依然保留著最後一次的有效配屋權利。