港男獲派「公屋之王」一人單位竟陷兩難？網民籲知足：港鐵上蓋已經贏晒！

獲派市區公屋理應值得高興，近日卻有街坊大呻陷入兩難！有網民在Facebook群組「公屋討論區」發文，指自己透過調遷計劃迎來「首派」，獲分配黃大仙上邨達善樓的28樓高層一人單位，房署資料指出單位實用面積約為175至180平方呎。雖然市區地段兼位處高層極具吸引力，但事主卻大嘆「十五十六緊」。

閱讀更多：港人獲派粉嶺新公屋 嫌交通不便陷兩難 網民勸勿衝動：先做呢件事再決定！

帖文隨即引來網絡迴響，不少網民認為事主難得獲派「筍盤」，不解其為何仍陷猶豫：「黃大仙B地鐵口還十五十六？來晒命啊！」、「咁方便都唔要，唔好後悔」、「黃大仙都唔要，下次派四順」、「肯定要啦，位置咁方便，仲要28樓咁靚樓層，咪係到晒命啦」、「環境好，對住黃大仙廟附近都唔要？」、「係咪諗住半山起公屋先要？」、「黃金地段地鐵站上蓋，冇理由放棄」、「交通方便，買餸方便喎」、「勁正，市區1人和諧式好搶手」、「公屋之王嚟㗎」。