港男狂數村屋4大缺點 呻爆「畀狗住都不為過」 網友反應兩極 租平VS空間大

樓主指「條村啲路爛就緊」，第二是難抵異味，「最X慘係返屋企條路勁X多唔同臭味混合，屎味、渠味、不知明臭味，乜X都有，嗰段路全程半吸半閉氣勁辛苦」，第三是覺得四圍都是狗狗的大小二便，「啲人又由X啲狗周圍屙屎屙尿，啲車行過搞到成條屎路」，第四是蛇蟲鼠蟻，「蛇蟲鼠蟻就基本，好彩住果間屋還好，間中有一兩隻飛蟲就算」。最後樓主表示：「總之村屋畀狗住都不為過，唔明啲人點解可以住十幾廿年。」

貼文引起熱討，有人力撐樓主認為村屋只有租金平，又指村屋牆身薄、隔音差、上網速度慢，「村屋只有好少數係正」、「好住過apartment就唔會咁平啦」、「所以咪平啲囉，幾千數呎」，亦有人反對樓主的睇法，認為村屋空間大，泊車方便又可以養狗，「又平又大又有車位又靜」、「有咩唔好住，車到門前，地方大，空氣好」、「四五萬蚊月租市區租到咩樓先，住得遠咪平啲同大啲，個trade Off其實好簡單」。