:quality(80)/public/tvbcom/article/images/202508/365bb958-7573-4e62-94ed-ca30284c0b8c.png)
香港一屋難求，50萬買40年樓齡公屋諗得過？有網友在「公屋討論區 - 香港facebook群組」FB專頁發文，樓主指自己住在上水天平邨，近40年樓齡，並說：「天花板甩過3次手掌大嘅石屎，間屋好殘，仲值唔值得買 ！？」又謂不買的話，就會被迫遷至一人單位，還要交倍半租。
樓主續指：「40年公屋，唔知幾時會搞大維修。一開始無買，而家係迫在眉睫，自住嘅話一直租先係最理想，咁舊嘅單位，買咗又要室內維修，大廈大維修又唔知幾時，好煩。」他指單位大過300尺，「價錢折扣完應該4/50萬左右，買唔買好。」
樓主補充甩石屎的原因，「就係樓上問題，佢種花，樓上戶主收到滲水信，將啲盆栽放晒走廊......房署幫我補返咁」，網友坦言滲水問題仍未解決，恐購買後手尾長，「有漏水就最好唔好買，反而甩石屎仲可以諗！」有類似經歷的網友指，「如果係樓上影響嘅話就唔好買，因為我就係咁，早幾年攞咗筆錢裝修，已經又有大規模裂痕。」
亦有網友認為買得過，「50萬，超過300尺，40年樓，上水有東鐵，如果經濟冇問題，一定買。」、「40年嘅公屋有好多，唔算太舊，用40萬大裝修，就算外圍要维修都唔會夾太多錢，因為戶數多，每戶平分唔會太貴。」
