港男二派寶達邨陷疑惑 自爆曾放棄首派「公屋皇者」 網民嗌走寶：首派咁好都唔要！

網絡俗語云「得公屋得天下」，但獲派單位時又會心思思？最近有網民分享選擇困難，樓主指自己公屋「首派」派往華富邨，但仍拒絕選擇「搏二派」；「二派」結果出曉，樓主獲派秀茂坪寶達邨的「達富樓」，但仍然心思思，更發文問道「應唔應該要？」，更直言自己憂慮「擔心最後一派更差」。

閱讀更多：柴灣男疑盜公廁水源洗車 現場滿地污水泡沫 網民怒轟太狼死 咁做隨時違2法例

一眾網民留言替樓主解憂，先有一批意見大讚寶達邨優點處處，例如交通方便、單位擁海景、樓宇的和諧式設計實用、商場配套充足等：「交通及設施齊全」、「樓下有商場街市坐巴士」、「十分鐘到藍田」、「望海景夠正」、「和諧式最實用」、「樓下商場乜都有」；亦有人列出寶達邨之缺點：「唔好要，周街吐痰，周圍食煙」、「附近潮濕大霧，實後悔」、「啲牆濕到發哂霉」。

然而更多網民著眼其他地方，認為樓主不宜放棄「首派」華富邨，事源華富邨將臨重建，住戶可能「好大機會派新樓， 點都好過寶達」、「簡單裝修下等幾年重建」；亦有網民指華富邨屬「風水寶地」，入住則會「成個感覺人傑地靈」，如今樓主拒絕一舉令眾網民無奈：「華富你都唔要，寶達就更加唔洗諗啦」、「我派華富即要呀，住幾年就轉新樓」、「華富啦，巴士好密，唔要浪費」、「華富幾好嘅，機會錯過唔會來」、「華富交通方便過寶達」、「華富好！公屋中嘅豪宅」、「華富咁好都唔要，之後一定唔會好得去邊」。