柴灣男疑盜公廁水源洗車 現場滿地污水泡沫 網民怒轟太狼死 咁做隨時違2法例

有網民上載數張照片，攝於柴灣常安街巴士車廠對開，男車主將車泊在公廁外「錶位」，更自備水桶和長喉，直接接駁殘障人士廁所內洗手盆下的水管，疑盜用廁所水源駁喉拉到外面洗車。圖片可見，「錶位」現場更是滿地污水及清潔泡沫；樓主更言道「大家有冇見過呢啲自私X」。

閱讀更多：將軍澳大叔疑打輸機發難 爆粗大鬧快餐店兼逼賠蘋果批 女職員高EQ應對獲讚

帖文惹來極大網絡迴響，有人認為男車主行為甚普遍：「用消防喉攞水洗車都見過啦，何況只係公廁個洗地喉」、「呢度洗左十幾年啦，第一日嚟」、「洗架車者，做人係咪好辛苦」；亦有人指該行為實屬違法：「可以告浪費食水，告得入架」、「報警拉佢啦」、「偷水報警，街道上洗車報食環」、「偷水，犯法」、「街邊洗車一向係犯法，就算唔係公廁攞水都係」、「咁做太狼死」。

根據《水務設施條例》（第102章），任何人未經水務監督許可，從公眾洗手間等水務設施非法取水即屬刑事罪行，一經定罪最高可被罰款2.5萬港元。此外，洗車時產生的化學泡沫及污水，若未經妥善處理而直接流入公用雨水渠，更會違反《水污染管制條例》（第358章）；初犯者最高可被處罰款20萬港元及監禁6個月，若第二次或其後再犯，最高罰款更會倍增至40萬港元及監禁6個月。