港客狂疊47隻壽司碟變「巨塔」打卡 網民轟危險：跌落嚟會飛中人！

不少港人光顧迴轉壽司店時，都習慣用完的餐碟疊高，部分人更會視之為食量的「戰績」記錄。近日有網民發文，分享其與友人吃壽司後的疊碟情況：「食完叠起啲碟。大家試過叠到啲碟幾高？ 我們最近四個人食叠起咗47碟」。從事主上載相片可見，餐桌中央聳立著大量紅色碟疊成的巨型「碟柱」，目測高度已完全阻擋兩側食客視線，稍一不慎隨時引發倒塌危機！

閱讀更多：港人為免費雪糕大鬧啟德 店員暫停補貨遭刁難 網民批惡客行為肉酸

帖文一出隨即引起關注，不少網民留言擔心此舉會構成安全風險：「如果疊到咁高，跌落黎飛落我度既話，我實入廠claim爆你哋張枱」、「跌落嚟會飛中人」、「唔小心跌落嚟嘅話，附近多得你唔少」、「博流量？滿足自己好玩心態？」、「除非你真係為左影個相，然後自己還原返，但都要確保唔會整冧」、「影完相有冇自己攞返落嚟，定留俾店員執？其實真係好幼稚」。