:quality(80)/public/tvbcom/article/images/202607/0b474cf0-303e-4a44-b3b7-785f3ee18d56.jpg)
近日有網民分享影片，指某雪糕品牌早前於啟德零售館舉行免費派雪糕活動。期間疑因人流過多，職員以「現場人流太多」為由暫停派發補貨，並著客人於稍後時段再來。此舉隨即引起現場多位冒名排隊的顧客不滿，當職員反問一句「咁你哋係咪唔得閒呀陣間？」，眾人更齊聲怒言反擊：「梗係啦」。
閱讀更多：筲箕灣阿伯疑施「鹹豬踭」襲胸 苦主家屬嬲爆拍片追截 街坊揭區內屢生同類事件
職員隨後要求顧客先在社交平台上載限時動態（Story）作登記，隨即引來現場一名女顧客強烈不滿，當埸質問職員：「我都未攞雪糕，post咩story先？」
影片曝光後隨即惹來網民熱議，不少人大讚職員高EQ且態度友善：「職員eq 好，呢班人個樣黑口黑面」、「其實呢幾個個員工都好好人，我親身去攞雪糕，我眼見佢哋都好幫啲公公婆婆點樣幫佢哋可以like ig fb等佢哋有雪糕囉」、「唔得閒咪唔好拎！唔知以為俾咗錢」、「派係免費，唔係欠左你，未有就走咯，何必發難呢」、「辛苦幾位職員，對住啲咁嘅客都仲幾好態度」、「係唔好咁核突喺度鬧人哋啲員工啦，係文明社會人哋都解釋要補返啲貨」、「究竟要cheap到咩地步，先可以明明係拎免費嘢，都好似有俾錢咁大支嘢」。事件亦引起服務業人士共鳴：「做過服務業就知，成堆人攞免費野仲好似欠左佢咁，R唔到就發癲」。
