:quality(80)/public/tvbcom/article/images/202606/a098a491-5217-4369-9631-aa28c8247242.jpg)
一名港媽早前發文，指自己在青衣城疑驚遇「撞人族」！該港媽透露，當時她正牽著6歲的女兒，突然一名男子從後方猛衝上前，並以極大氣力撞向女兒的右半身：「個男從後衝上前，好大力撞我女右半身，小朋友6歲，成個人彈起 」。港媽表示，事發後該名男子並未停下，反而是繼續前行。
閱讀更多：青衣長康邨疑現鎅袋黨 廿歲狂徒專吼長者犯案 街坊人心惶惶爆恐怖經歷
港媽隨即上前追問，質問對方為何大力撞人，並強調對方撞到了小朋友：「男人一直走，我追住佢問佢做咩撞人，佢好明顯係有意識咁樣撞人 。我問佢點解甘大力撞人？佢唔出聲，我再追問 ，我話撞到我小朋友呀，撞到佢成個彈起，佢唔出聲」。該名男子從頭到尾保持沉默，隨後便徑自離開。
至於相中一名同行女子，港媽則在留言補充：「個女人開頭唔係同佢一齊行」、「後尾唔知點解有個黑色衫女人排隊排喺個男人後面，女人頭耷耷唔出聲 ，我唔知佢哋係識嘅，純粹以為佢係排隊等中電嗰部機 。後尾佢哋兩個一齊走，我先知原來佢哋兩個係識嘅」。
帖文隨即惹來甚大網絡迴響，不少人留言炮轟「撞人族」的行為：「佢連小朋友唔放過無得原諒」、「家陣啲人係點諗，將平時啲怨氣發洩啲唔識嘅人，特別係啲老弱婦孺、小朋友，然後覺得自己好威」、「咁大隻，用黎蝦細路」、「有晒樣可以報警」、「真係唔好怕麻煩，遇到呢啲人要報警，唔可以助長呢啲風氣喺香港度蔓延」、「一律報警」。
亦有網民分享指同樣遇上類似經歷：「最近試過搭地鐵遇過有條友帶口罩，專企係開關門位，無啦啦一野車埋黎，總之會feel到突登，問佢做乜野佢唔會答你」、「我都係青衣人，我都知大概位置，呢一個扒手搵食位置！撞小朋友不是主要目的，係聲東擊西，同我朋友試過，就喺HSBC ATM攞錢，佢大拿拿噤$5000蚊，兩條女撞一撞，就算無受美色引誘，都唔知啲錢放在褲袋，係一分鐘唔夠就無左」、「我上次係南昌站都遇到撞人族，一下撞到我手機跌落地，我跟住追上去捉住佢，佢又死死地氣同我道歉」。
