港女驚見公屋走廊冒濃煙急報警 揭鄰居屋企門口燒衣紙 網民轟自私：真係火燭就大鑊！

有網民分享親身經歷，樓主指在男友家中做飯時，驚見廚房滲出濃煙。打開門赫然發現涉事公屋走廊濃煙密佈「成條走廊都係濃煙，男朋友即刻衝出去敲警鐘，我即刻報警＋大嗌＋拍門！」樓主坦言當時感到極度恐懼，其後有鄰居步出了解，隱約聽到是有人在燒衣紙：「聽到有人隱約話好似係燒衣紙！」

閱讀更多：天水圍男大力拍打嬰兒腿部 目擊者：啪啪聲打足4個站 網民怒轟虐兒：報警！

消防及警察接報到場後，確認濃煙確是由燒衣紙引起，樓主才鬆一口氣！樓主貼文中批評：「係條走廊燒衣，究竟係幾咁冇腦先會做得出呢啲野。明明都有規定甚至安排左個啲爐係樓下有得燒，係都要係屋企燒。假設真係火燭，全部人都好無辜！」她更呼籲：「唔該大家可吾可以提點以及教育下上左年紀嘅屋企人，唔好係屋企燒衣做啲咁危險且犯法嘅事！」

此外樓主亦有留言補充：「佢直接係屋企門口燒，一字型走廊，頭尾加lift口位有窗；但唔係開（燒）好大 但係0理解係屋企燒！」

不少網民留言批評行為罔顧公眾安全：「燒衣咁大煙真係唔好係走廊搞」、「走廊燒衣紙。無論私家樓定公屋。都可以管理處投訴」、「火警點算，超級自私鬼」、「嘩！好大霧呀，超牙煙」、「嗰啲人直頭係有病，佢唔會覺得喺條巷度燒，係會影響到人」、「只要房署將違規住戶扣分，個老人家應該唔夠膽再燒！」、「真係火燭就大鑊！」

根據房屋署的規定，公屋居民嚴禁在出租單位內或大廈的公眾地方（例如走廊及梯間）燃燒冥鏹及衣紙，以免過程產生的灰燼和濃煙造成滋擾。居民如需進行祭祀，必須前往屋邨辦事處在戶外指定地點所安排的化寶桶燃燒衣紙 。若住戶違規在大廈內燒衣，有機會觸犯「屋邨管理扣分制」而被扣分 ；有關行為亦屬違反公屋租約條款，如情況嚴重，房屋署有權終止違規住戶的租約並收回其單位 。