:quality(80)/public/tvbcom/article/images/202603/59a1b2da-d30a-4cbc-a125-2cb1ff457672.png)
網上流傳一則貼文，有網民在天水圍乘坐輕鐵時，目擊一男子疑出手打嬰兒。該網民上載影片，片中所見，嬰兒將腳伸出嬰兒車，疑是嬰兒親屬的男子見狀，即出拍打嬰兒腿部，嬰兒即縮腳並傳出哭聲。據悉，元朗警區正了解事件。
該網民直指，「bb隻腳只係放咗上嚟佢就即刻打落去，仲要係唔止一次半次，係起碼廿幾次，而且每次都超大力咁打落去，打到啪啪聲，臨落車嘅時候佢仲要用個電話好用力咁打落bb隻腳度。」
該網民形容十分心痛，惟自己沒有勇氣制上對方，「bb俾佢打嘅時候淨係輕輕喊咗2聲，呢次真係我人生咁想一個bb喊得超大聲，奈何我冇呢個勇氣去X佢，因為佢真係似一個痴線佬。」又指該男子最少從天恆站打到天瑞站。
影片引起熱議，不少網民鬧爆男子行為，「攞段片去報警」、「睇佢表情好憎個BB」、「報警拉佢啦」「佢個樣仲要係狠樣」、「真心問放隻腳上去有咩問題？唔鍾意bb唔好生啦」、「個男人係咪傻㗎，個個BB都會放腳上BB車喎，因為佢覺得舒服囉 」、「舉報虐兒，人人有責。」亦網民發現BB被打前明顯閉眼閃避，質疑男子為慣犯。
