港女遇躁狂的士司機鬧足全程 疑因車程短惹不忿：半路停車扮唔識路

有網民分享搭的士「谷氣」體驗！有港女近日發文，指某晚辛苦工作一天後，只想「搭架的士早啲返屋企」，遂在有多架的士排列的位置上車；豈料一上車司機便指該處並非的士站，甚至教訓事主應在馬路截車；之後事主便忍不住「問佢其實係咪有咩唔滿意」，其後司機突然於半路將車停下「一兩秒」，聲稱「唔識路、唔識行」。

閱讀更多：荃灣菜檔疑賣爛菜惹議 用呢招渾水摸魚引客上釣 街坊揭內情：起碼見過幾十次！

據釋出影片所示，司機爆粗向港女辯道：「都話唔係的士站囉」、「依家載你哋，講咁X多嘢，把X咩」。港女有在留言補充：「我都忍左好幾十句先出聲，佢一直係咁講 忍唔住要回應返佢」、「由一上車問我去邊到，之後就開左車佢就一直無停過把口」。她更坦言感受：「我都係第一次真係嬲到想投訴」、「點解我都仲要受你呢啲氣」、「係咪下下都要長途旅程，要搭到幾百蚊先可以搭的士」。

影片截圖來源自Threads＠cindiolam

不少網民留言炮轟的士司機態度：「呢啲情況一律建議投訴，唔使同佢客氣」、「抄佢車牌投訴」、「呢啲人好無恥」、「唔係的士站，司機咁你又停車接客，專心揸你既車啦」、「開佢車牌一齊投訴佢會唔會直接冇得撈」、「咁既情況要報警」、「我會即刻大叫佢停車，勁大力閂佢門」。

根據香港《道路交通（公共服務車輛）規例》（第374D章）第45(1)條及57(1)條訂明，的士司機在擔任司機期間必須「有禮貌及守規矩」；若司機向乘客講粗口或態度惡劣，在法律上可被視為不禮貌或不守規矩，一旦罪成，最高可被罰款$3,000及監禁6個月。