港女搭的士手提行李放車廂 司機以一理由收行李費惹爭議 行李總尺寸超過XXXcm就要收費！

有網民分享，稱其早前乘搭的士，上車時攜的手提行李已放在車廂內，理應不計行李費，惟司機仍以「帶住行李」增加負擔為由，收取費用，令樓主嬲爆！圖片可見，見約20吋行李箱放於乘客車廂，未有佔用車尾箱；另見的士計錶車資為「29元」，附加費則為「6元」。

閱讀更多：大帽山男子食完橙亂拋果皮 無視途人勸阻反稱「大自然需要」 郊野公園亂拋垃圾最高可罰1萬元！

樓主寫道：「明明行李放車入面，仲要係手提行李suppose唔計行李費，個XXX（的士司機）話我哋帶住行李令佢造成負擔，就要計行李費？？就算放車入面都係佢嘅負擔？」樓主亦表示已向政府部門投訴「投訴咗，處唔處理就交比相關部門跟進！」

網民對帖文反應甚大，「有佢車牌可以報警」、「窮就咪搭的士」、「手提行李有size限制㗎」、「法例規定，任何物品長加闊加高 總邊長超過140 CM ，司機就可以收取行李費。不論你放邊度」、「人地事實上size係無過+司機唔應該收$6」、「我旅行袋放座位都俾佢收啦，一件20寸行李箱放車尾，一個旅行袋收左我$12」、「濫收行李費！」

這個情況就要收附加費！

運輸署指引訂明，乘客所攜每件手提行李的長、闊、高三邊總和不超過140厘米時，可擺放於車廂後座位置而毋須另收費 。若該件行李在車廂內超過140厘米，或任何大小放入車尾行李箱，司機可就每件收取6元行李附加費，並按收費表以每件計算，不得擅自加價 。此外，殘疾乘客賴以行動的輪椅及拐杖屬豁免，而嬰兒車則按相同準則處理是否收費 。