港女搭小巴尿袋突起火！名牌手袋被燒爛全車急逃生 事主心有餘悸：以後唔敢再用

有網民於社交平台 Threads 發文直擊搭小巴驚心動魄一刻！事發時一輛行駛中的小巴上，前排女乘客的手袋疑因流動充電器（尿袋）短路突然起火，火勢猛烈更燒至變形 。該女乘客受驚慘叫並衝向車頭求救，全車乘客頓時陷入恐慌，幸司機反應迅速即時停車疏散，未有釀成大禍 。目擊者形容當時猶如「同死亡擦身而過」，更指要「好好活在當下！」；涉事女事主其後亦現身留言致歉，指當時手袋突然「爆火」險燒及頭髮，雖飽受驚嚇但慶幸無人受傷 ，女事主亦指「以後我都唔敢再用尿袋！」

閱讀更多：黃大仙爆水管驚現超強水柱！目測10層樓高變大型洗車現場 網民戥車主慘：鹹水嚟㗎

不少網民亦留言指過程驚心動魄，更指購買流動充電器要格外留意：「尿袋又爆？」、「活在當下」、「睇到都覺得好驚險」、「好彩大家無事」、「現實汽車係好難爆炸，唔好睇戲當真」、「見啲人成日買埋啲30蚊尿袋就好驚」、「真係活在當下」、「出門真的要一眼關七」、「我都係用哩隻，勁驚喎」、「始終意外唔知幾時發生身邊！」