:quality(80)/public/tvbcom/article/images/202605/258f3c8a-a8cd-42f6-b5cd-edad79e4e12a.png)
公屋「首派」獲派全新落成屋邨本應高興，但面對跨區返學卻隨時令家長相當懊惱！日前（14日）有網民發文指：「剛收信第一派擴3雋東邨，請問住及交通方便嗎？小朋友在葵興上學。感謝各位意見（今日去了看一下環境及進度，要8，9月才可收樓）」。樓主更親自落區視察環境及進度，從其上載的相片及影片可見，樓宇地盤已發展得甚具規模，與相鄰的翔東邨及迎東邨僅一街之隔。
閱讀更多：港人公屋首派舊邨前身是墳場 嫌「豬頭骨」惹街坊列2優勢平反：配套一流！
帖文隨即引發熱議，大批「過來人」網民紛紛留言大派定心丸，鼓勵樓主「辛苦幾年、小朋友好快大」；亦有同區街坊指不少初小學童亦每日跨區上學，實際適應遠比想像中容易：「好多跨區去讀書嘅學生，包括小朋友，即係細啲嘅三四年班都有嘅，其實我哋啱啱搬過去個幾月，都覺得係唔會想像中咁難囉」、「困難係有，少少辛苦嘅，但係我覺得冇乜問題」、「小朋友好快就會習慣，好似我3人派咗上水新樓，小朋友喺屯門讀小一。佢見到好鍾意間新屋，又鍾意讀緊嘅學校。佢話唔想轉校，咁唯有每日晨早起身返學」。
對於應否接受這份「首派」大禮，大批網民一面倒力撐樓主「梗係要」，直指全新公屋絕對不容錯過：「新樓梗係要，東涌E車多到去全港邊度都得」、「新樓喎，冇理由放棄」、「只係呢3年未有地鐵站。第時有，去邊度都方便，呢度有居屋又有私樓， 地方超舒服」、「搭一架接駁巴士坐15分鐘左右去到東涌地鐵站，由東涌站去到荔景20分鐘，再喺荔景站轉車5分鐘到」。
但有網民鄭重提醒樓主必須「三思」，指出跨區返學實在極不方便，加上新樓入伙往往隱藏不少未知之數：「小朋友返學唔方便，新樓好多問題未知素，遇打風落雨就更煩」、「除非轉校喺附近，唔係就諗清楚，自己搵日搭車去下，再去學校，就清楚晒時間行程，仲要搵日落雨天試」、「除非轉校去東涌就方便」。
資料指出，已於2023年5月正式動工的港鐵「東涌綫延綫」項目，預計將於2029年全面竣工，屆時將為當區居民帶來極大便利。這項擴建工程主要分為兩大部分，除了將會深入東涌西面增設「東涌西站」外，更會於現有欣澳站與東涌站之間的全新東涌東填海區增設「東涌東站」。
