港人公屋首派舊邨前身是墳場 嫌「豬頭骨」惹街坊列2優勢平反：配套一流！

有網民發文大吐苦水，上載了一封房委會的配房通知信，信中可見樓主首派觀塘區順利邨利恆樓。然而樓主卻不滿意首派結果，更直言「首派豬頭骨」。翻查資料，順利邨建於1970年代末，前身竟是昔日著名的「七號墳場」！

閱讀更多：港女三派公屋燒炭凶宅欲拒 驚見房署列一大隱藏條款 網民齊拆解：即係仲有下次！

帖文曝光後亦有網民力撐樓主，直指順利邨的確暗藏兩大「硬傷」，首先是逾40年樓齡導致設施與外觀殘舊：「同一個大廈，走廊好恐怖，有小孩情緒唔穩定好危險」；其次是交通隔涉的問題，由於屋邨位處半山且缺乏港鐵覆蓋，居民出入均必須依賴小巴或巴士接駁：「交通好唔方便」、「連港鐵都冇」。

亦有大批街坊湧入留言大平反，並列出順利邨兩大優點，首先就是附近民生配套極致完善：「除咗舊少少，其他都幾好，圖書館、郵局、巴士站、街市、體育館公共設施齊備，麥當勞、三哥、一粥麵、大家樂都有，仲有759、百佳」、「順利邨近聯合，你出事就即刻有人救」。其次就是順利邨屬於老派公屋，其間隔甚為實用：「平租，舊樓面積實用」、「舊公屋單位先冇咁三尖八角」。