港人首兩派公屋嫌近垃圾房＋310呎太細 憂三派東涌求意見 網民斥不知足：阻住條隊！

有公屋戶早前發文求意見，直問「博唔博三派好呢？」，樓主目前與父母同住沙田隆亨邨，近日正為3人家庭申請公屋，首派幸運地獲派同邨的榮心樓，惟因單位「對住垃圾房, 細同臭味」，最後果斷拒絕。樓主續指，「二派」獲派青衣長康邨康榮樓2樓單位，實地視察後覺得「環境都算靜, 小朋友返學都有巴士直到大圍」，但仍因「擔心310呎唔知夠唔夠間2房, 2樓對內單位會唔會無光入屋」而陷猶豫，但樓主深知一旦拒絕，最後一派往東涌公屋「真係大鑊」，故詢求網民意見！

閱讀更多：首派大坑東邨嫌同層曾有人跳樓 事主陷猶豫欲搏二派 網民反列4大原因勸收樓！

帖文一出隨即惹來熱議：「真係唔好阻住條隊，多謝」、「身在福中不知福」、「一派番隆亨咁近都唔要」、「咁難得派返隆亨，咁都唔要」、「第一派有得派住緊個區你都唔知足，抵你啦」、「東涌新樓有咩問題？接受新環境當然要等價交換啦」、「大佬，你三人家庭三百幾呎算係咁啦」！