首派大坑東邨嫌同層曾有人跳樓 事主陷猶豫欲搏二派 網民反列4大原因勸收樓！

最近有網民分享疑惑，樓主指自己獲首派公屋「大坑東邨」中的「東龍樓」，惟指所屬單位同樓層曾發生跳樓身亡，樓主指房署信中「無話係事故單位」，但仍打算搏「第二派」，並詢問網民「如果想要第二派有咩程序要做？」、「要唔要打去房署」、「安排時間下唔出席，就等於唔要，會直接第二派？」

閱讀更多：屯門三聖邨冧石屎險中頭 苦主呻爆單位4大伏位 維修費大＋水渠有問題？

不少熱心網民留言解答樓主：「如果唔要就打番信上面個電話講聲」、「信無寫就唔係事故單位」；網民亦列4大理由勸樓主收樓：第一，屋邨交通網絡方便，「除左舊d交通同學校都唔錯」、「位置好，步行去太子旺角20分鐘內完成,，即要」；第二，屋邨配套理想，「樓下已經係超市、又有麵包鋪...隔離街市」、「樓下有茶餐廳，麵包舖，隔離有南山街市，配套正」；第三，屋邨間隔實用，「一流間隔，走廊等𨋢空間大」、「舊樓空間大」；最後，網民則指無作虧心事，自然心安理得入住，「平生不做虧心事，半夜敲門心不驚」、「有那一邨冇空中飛人先，唔驚得咁多」。

翻查資料，大坑東邨自70年代起展開重建工程，東龍樓便是該邨第三期重建計劃下落成，採用當時公屋常見的「舊長型」設計，並於1984年正式入伙。