港人獲派東涌公屋 陷搬離馬鞍山世紀兩難 過來人列3大痛點勸退：揀錯害子女一世

日前有公屋申請者發文求助，指剛接獲通知獲派東涌區單位，惟自己一直紮根馬鞍山，整個生活圈子全在新界東，兩地距離猶如香港的大對角，令樓主陷入極度糾結，坦言「剛剛派東涌，住開馬鞍山，唔知要唔要好」。帖文一出隨即引起網民激烈辯論，大批「馬鞍山老街坊」及「東涌過來人」現身說法，力勸樓主在作出最終抉擇前務必三思！

閱讀更多：港媽首派東涌公屋 煩惱愛女應否轉校 跨區返學搭車一個鐘 網民爭辯：保名校定保睡眠？

居住環境對決

不過單論居住環境，不少網民卻力撐東涌其實是一塊「宜居寶地」！有搬入東涌的網民大讚該區勝在多新樓落成，整體生活空間相對優越；更有原本一直居住在黃埔、紅磡等鬧市的過來人分享自身經歷：「so far依家都幾好住，同埋入夜係算靜，冇市區咁嘈」、「清靜過市區得多」！

生活配套對決

論到最切身的生活配套，有馬鞍山街坊極力勸阻樓主「唔好要」，大讚馬鞍山本身已是配套齊全的安樂窩；更有網民點出東涌的致命傷在於醫療網絡未及市區完善：「馬鞍山好住，配套齊好多」、「北大嶼山醫院只有急症同老人科，如果需要長期覆診要地鐵轉小巴去到瑪嘉烈」；亦有東涌居民隨即現身力撐，指區內有大型商場及多個商場滿足日常所需：「市中心有大商場，日常買嘢食嘢附近有幾個細商場，如果有小朋友又可以踩單水，市中心有泳池，附近又有體育館、圖書館，近大自然行山、露營、BBQ、沙灘游水」。

日常交通對決

提到日常交通，雖然東涌有東涌綫接駁，但若要前往觀塘或港島等市區，車費相對昂貴之餘，車程亦相當熬人。有網民一針見血地提醒樓主：「真係好浪費時間，除非你成日去珠海或者澳門」，直指長途通勤絕對是一大考驗；亦有居住東涌多年的街坊客觀平反，表示雖然地理位置偏遠，但勝在「巴士好少塞車」，總結區內的交通配套為「唔係差，但又唔算好」。

絕大部分網民點出一個終極考量「仔女返學與地區校網」！大批過來人揭露東涌校網的現實，力勸家有學童樓主務必三思：「東涌校網真係睇你有冇要求，我見好多人都係出返去出面讀」、「翔東入伙後東涌現在唔夠學位，得返所謂寶校有學位，叩門預要跨區，冇迫切需要就等二派」、「計小朋友來講，如果成績中上預咗誇區讀書(東涌校網差，除非你入到地鐵附近學校稍為好啲）29-30年逸東有地鐵站到時就會方便啲」、「沙田多名校好多」！