港人放棄東涌新公屋 寧揀40年舊邨！列4大優勢形容「似中六合彩！」

有網民發文，指自己早前抽中東涌新落成公屋，都堅決地放棄，反而接受「二派」石籬一邨低層舊樓單位，樓主直言「二派石離一村，其實諗都唔諗要咗」、 「舊樓咪最多洗多少少錢，重拆再裝修靚啲」、「本身就係葵青荃長大同讀書，真心感恩又可以住返同區」、樓主更指今次如同「中六合彩二獎」般喜悅。

閱讀更多：觀塘泊電單車骨位疑被人移走！事主慘食兩張牛肉乾 ！網民教用呢一招自保

樓主與網民更列出四大優勢，力證今次案例「舊樓不比新樓差」：第一就是交通方便，樓主直言「樓下有巴士落葵芳地鐵站，又有小巴出沙田大圍同荃灣」；第二就是配套方便，樓主指「落下就有惠康，有巴士站」、「市區樓係舊，但成熟配套、快捷，返工放工方便出入」；第三就是住在同區，樓主認為「因為我屋企人，就係住喺附近，勁方便，所以装修靚仔啲就會長住」：第四是環境良好，這點網民補充「石籬空氣好」、「環境又冇咁嘈！」