觀塘泊電單車骨位疑被人移走！事主慘食兩張牛肉乾 ！網民教用呢一招自保

有網民日前（12日）分享，指其把電單車停泊在觀塘鴻圖道骨位，料知疑似被人「整蠱」，把樓主的電單車移了出來，泊上自己的電單車，慘令樓主被警方「抄牌」兩次，樓主貼文寫道：「真係要幾X街，先會將人泊咗入骨位嘅車推出嚟比自己泊，攪到我比人抄兩張牌！」

閱讀更多：城巴西裝男疑似飲醉瞓地 用呢個姿勢瞓晒驚人腰力 網民：誇張到以為係AI！

貼文在網上惹來極大迴響，不少網民留言同情樓主，更指「呢啲人真係好自私」，更有人留言教路樓主：「泊好車記得影相呀，每次都要」、「如果附近啲舖頭有cam影到..你可以問佢哋拎」、「去搵警察交通部，將證據交俾佢哋，可能你兩張告票都唔使俾錢」、「成日見人搬人哋架車」、「害群之馬」、「每次泊車我都會影低相，幾個角度，再加WhatsApp send俾自己！」