港人呻旺角無限時放題有伏　 現實僅90分鐘可點餐　 職員解釋惹爭議　 網民鬧：列黑名單！

有食客發文呻爆，指其早前光顧旺角某火鍋放題餐廳，事主指餐廳宣傳稱「4月10號 開始改為無限時（用餐）」；事主於下午5時入座，選擇每位288元的B餐，三人連加一服務費共約950元，惟單據仍列明此為「120分鐘平日成人放題」；惟至晚上約7時再透過QR code點餐時，系統卻顯示已逾時。事主向向店員查詢，竟獲回覆指「叫餐係有120分鐘，90分鐘可以叫嘢食，30分鐘前最後order」。

閱讀更多：港人擬用租置計劃購公屋 低價入手嫲嫲太和邨單位 坦言「留俾家人」 網民列2原因勸諗清楚

這意指用餐雖可「無限時」逗留至晚上10時30分關門，但點餐則設有120分鐘限制，其中90分鐘為可點餐時間，並需於最後30分鐘前完成下單。職員更稱「好多無限時都係咁㗎啦，出面都係咁」。事主質疑有關安排與「無限時」宣傳不符，直言「我食過任何一間無限時，係食到你走為止 」、「你話間嘢收十點半，最後落單係十點鐘，30分鐘前接order係老規矩，呢點我明白」，但事主認為不應將「無限時」與實際僅90分鐘點餐時間，混為一談。

事主留言續指，在被告知已超過點餐時限後，曾向店員要求每款肉類追加兩碟及加點四份「榴槤炸彈」，惟店員回覆稱無法提供如此數量，最終僅補上兩碟肉，其餘食品未再處理，令事主感到不滿並放棄再作要求。同時，事主亦批評店內「流水蝦」供應情況，指水缸內蝦量不足約30至40隻，當中更有約20至30隻已死亡，僅餘少量存活，且期間未見補充。事主又表示，餐廳雖標榜「無限時」，惟約晚上7時已被要求結帳，經反映後店員才暫緩收單。

事主指出，餐廳在整個用餐過程中，從未主動說明所謂「無限時」實際設有點餐限制，包括僅提供90分鐘QR code點餐時間及最後30分鐘為截單安排，相關資訊直至結帳後才於收據上的「溫馨提示」中列明：「到我畀完錢你先至畀張單我，溫馨提示上寫住30分鐘係最後last order，咁你又唔好同阿你講無限時啦」、「 無限坐唔係無限時放題任食」。

有關事件在網絡惹來很大迴響，不少人留言對餐廳處理手法，存有質疑：「佢個宣傳都寫無限時放題任食，有冇搞錯」、「文字遊戲可以告佢無寫明」、「你張單都寫住120分鐘囉！你要即刻同你經理講嘛！同埋安排賠償」、「又話無限時放題任食」、「佢寫任食，唔係寫任坐」、「黑名單」。